សួស្តី ខ្ញុំឈ្មោះ សុជាតិ 👋

ការធ្វើដំណើររបស់ខ្ញុំបានចាប់ផ្តើមនៅក្នុងវិស័យហិរញ្ញវត្ថុ ជាកន្លែងដែលខ្ញុំបានដឹងយ៉ាងឆាប់រហ័សថា ទិន្នន័យគឺជាភាសានៃអាជីវកម្ម។ ខ្ញុំបានចំណាយពេលជាច្រើនក្នុងការវិភាគរបាយការណ៍ និងសម្លឹងមើលតួលេខ។ វាមិនមែនគ្រាន់តែជាការងារទេ តែវាជាការចាប់ផ្តើមនៃការស្រលាញ់ចំពោះការដោះស្រាយបញ្ហាស្មុគស្មាញ។

បន្តិចម្តងៗ ខ្ញុំបានបន្តផ្លាស់ប្តូរខ្លួនឯងមកកាន់ផ្នែកបច្ចេកវិទ្យា ដោយយកចំណេះដឹងផ្នែកទិន្នន័យមកបង្កើតជាដំណោះស្រាយដែលជួយសម្រួលដល់ដំណើរការការងារ (Workflow) និងការសម្រេចចិត្ត។

ក្នុងរយៈពេលប៉ុន្មានឆ្នាំចុងក្រោយនេះ ខ្ញុំមានឱកាសចូលរួមការងារឆ្លងកាត់ឧស្សាហកម្មធំៗចំនួន ៥ ផ្សេងគ្នា៖ Fintech, Retail, food, និង FMCG។

បទពិសោធន៍ចម្រុះនេះបានបង្រៀនខ្ញុំនូវរឿងមួយ៖ ទោះបីជាអាជីវកម្មខុសគ្នាយ៉ាងណាក៏ដោយ ក៏តម្រូវការសម្រាប់ប្រព័ន្ធឌីជីថល (Digital Systems) និងការយល់ដឹងពីទិន្នន័យនៅតែជាកត្តាស្នូលនៃភាពជោគជ័យ។ ខ្ញុំបានប្រើប្រាស់ឧបករណ៍ទាំងនេះ ដើម្បីជួយក្រុមហ៊ុនបង្កើនប្រសិទ្ធភាពការងារ និងកាត់បន្ថយពេលវេលា។

រៀនតែម្នាក់ឯងគឺមិនគ្រប់គ្រាន់ទេ។ ខ្ញុំមានការពេញចិត្តយ៉ាងខ្លាំងនៅពេលដែលខ្ញុំអាចជួយមនុស្សជុំវិញខ្លួនឲ្យអភិវឌ្ឍន៍ជំនាញរបស់ពួកគេ។ នោះហើយជាមូលហេតុដែលខ្ញុំបង្កើត Sleuk ឡើង។

Sleuk មិនមែនគ្រាន់តែជាគេហទំព័រទេ វាគឺជាកន្លែងដែលខ្ញុំអាចចងក្រងនូវរាល់ចំណេះដឹង និងបទពិសោធន៍ទាំងអស់ដែលខ្ញុំមាន ទាំងផ្នែក Excel, Data Science និង ការប្រើប្រាស់ AI យកមកចែករំលែកដល់អ្នកទាំងអស់គ្នា។